25. mars 2025
Hlaupum saman - Reykjavíkurmaraþon 2025
Vinkonur Bryndísar standa að baki og skipuleggja glaðning fyrir alla þá sem hlaupa til styrktar Minningarsjóðnum.
Lesa meiraLátum kærleikann sigra
Bryndís Klara Birgisdóttir | 2007-2024
Um Bryndísi Klöru
Minningarsjóður Bryndísar Klöru var stofnaður til að heiðra og varðveita minningu Bryndísar Klöru Birgisdóttur sem lést í kjölfar hnífaárásar á menningarnótt í Reykjavík í ágúst 2024.
Bryndís Klara var yndisleg stelpa, frábær vinkona og heittelskuð af foreldrum sínum, litlu systur og öllum ættingjum hennar.
Bryndís var 17 ára og nýbyrjuð á öðru ári í Verzlunarskóla Ísland. Áður hafði Bryndís verið í Salaskóla frá upphafi skólagöngu.
Markmið sjóðsins
Tilgangur og markmið sjóðsins er að styðja við almannaheillaverkefni sem miða að því að vernda börn gegn ofbeldi og efla samfélag þar sem samkennd og samvinna eru í forgrunni.
Sjóðurinn mun leggja áherslu á að veita styrki til fræðslu, rannsókna og verkefna til að koma í veg fyrir að slíkar hörmungar endurtaki sig.
Úthlutanir 2025
Stjórn Minningarsjóðs Bryndísar Klöru hefur lokið við val á þeim verkefnum sem hljóta styrk úr sjóðnum fyrir árið 2025. Markmið sjóðsins er að stuðla að samfélagi þar sem samkennd, samvinna og jákvæð samskipti eru í forgrunni, með áherslu á forvarnir gegn ofbeldi meðal barna og ungmenna.
Kári Einarsson og Embla Bachmann
Gerð fræðsluefnis til dreifingar
Gerð myndefnis og fræðsluefnis sem er sniðið að öllum aldurstigum grunnskólanemenda til að efla samstöðu og samkennd. Mynd- og fræðsluefnið verður byggt á markmiðum sjóðsins og miðar að því að koma jákvæðum áhrifum á aðgengilegt form fyrir börn og unglinga.
KFUM & KFUK
Kærleiksnámskeið
Viðburðir á námskeiðum með fræðslu, hópefli og verkefnum sem stuðla að samkennd og sjálfsstyrkingu. Nemendur útskrifast sem „Riddarar kærleikans" og berast boðskap umhyggju og jákvæðra samskipta.
Klébergsskóli o.fl
Sautján myndir
Ljósmyndasýning með sautján myndum sem tengjast samkennd og samvinnu, til að dýpka skilning barna og ungmenna á gildi jákvæðra samskipta. Sýningin mun þróast og flytjast milli skóla.
Vinkonur Bryndísar Klöru
Viðburður í Reykjavíkurmaraþoninu
Styrkur til að standa straum af kostnaði við vörur sem merktar verða til minningar um Bryndísi Klöru, ásamt skipulagningu viðburða í aðdraganda RMÍ 2025 og stuðningi við þá sem hlaupa til styrktar sjóðnum.
Örninn líknarfélag
Sumarúrræði fyrir börn
Styrkur til að styðja við úrvinnslu og sumarúrræði fyrir börn sem hafa misst ástvini, meðal annars með listasmiðjum, sorgarhópum og fjölskylduþjónustu.
Fréttir og tilkynningar
Nýjustu fréttir og tilkynningar um starfsemi Minningarsjóðs Bryndísar Klöru.
3. febrúar 2025
Fyrsta úthlutun úr sjóðnum
Fyrsta úthlutun úr Minningarsjóði Bryndísar Klöru var kynnt á afmælisdegi Bryndísar þann 2. febrúar.
Lesa meira
1. janúar 2025
Bryndís Klara valin manneskja ársins á RÚV
Hlustendur Rásar 2 kusu Bryndísi Klöru sem manneskju ársins 2024. Hún var hetja sem mun bjarga mörgum mannslífum.
Lesa meiraStyrkja sjóðinn
Bankaupplýsingar
Banki: 515-14-171717
Kennitala: 430924-0600
Skattafrádráttur
Minningarsjóðurinn er skráður á almannaheillaskrá Skattsins og hver einstaklingur getur nýtt framlög sín til lækkunar á skattstofni, að hámarki 350.000 kr.
Frádráttur rekstraraðila getur numið 1,5% af rekstrartekjum á því ári sem framlag er veitt.
Framlög til Minningarsjóðs Bryndísar Klöru á árinu 2024
Við viljum byrja á því að þakka ykkur innilega fyrir þann einstaka stuðning og hlýhug sem þið hafið sýnt með framlögum ykkar til Minningarsjóðs Bryndísar Klöru.
Ykkar stuðningur er ómetanlegur og gerir okkur kleift að vinna markvisst að mikilvægum markmiðum sjóðsins.
Minningarsjóður Bryndísar Klöru var stofnaður þann 3. september 2024 en var skráður á almannaheillaskrá hjá Skattinum þann 30. október 2024.
Frá og með 30. október 2024 var sjóðurinn skráður á almannaheillaskrá, er skráður allt árið 2025 og verður áfram á komandi árum.
Með kærleikskveðju og þakklæti,
Stjórn Minningarsjóðs Bryndísar Klöru
Fylgist með okkur
Fylgist með fréttum af sjóðnum á þessari síðu og á samfélagsmiðlum.